Isocrate: Contro ogni imperialismo [D]

 

Pre-testo: Adesso ritengo di essere in grado di dimostrare a tutti che l’egemonia a cui aspiriamo non è giusta, né realizzabile, né utile per noi.

 

Ὅτι μὲν οὖν οὐ δικαίας, παρ᾽ὑμῶν μαθὼν ὑμᾶς ἔχω διδάσκειν. Ὅτε γὰρ Λακεδαιμόνιοι ταύτην εἶχον τὴν δύναμιν, ποίους λόγους οὐκ ἀνηλώσαμεν, κατηγοροῦντες μὲν τῆς ἐκείνων ἀρχῆς, διεξιόντες δ᾽ὡς δίκαιόν ἐστιν αὐτονόμους εἶναι τοὺς Ἕλληνας; Τίνας δὲ τῶν πόλεων τῶν ἐλλογίμων οὐ παρεκαλέσαμεν ἐπὶ τὴν συμμαχίαν τὴν ὑπὲρ τούτων συστᾶσαν; Πόσας δὲ πρεσβείας ὡς βασιλέα τὸν μέγαν ἀπεστείλαμεν, διδαξούσας αὐτὸν ὡς οὔτε δίκαιόν ἐστιν οὔτε συμφέρον μίαν πόλιν κυρίαν εἶναι τῶν Ἑλλήνων; Οὐ πρότερον δ᾽ἐπαυσάμεθα πολεμοῦντες καὶ κινδυνεύοντες καὶ κατὰ γῆν καὶ κατὰ θάλατταν, πρὶν ἠθέλησαν Λακεδαιμόνιοι ποιήσασθαι τὰς συνθήκας τὰς περὶ τῆς αὐτονομίας.

 

Post-testo: Che dunque non sia giusto che i più forti comandino i più deboli lo abbiamo riconosciuto sia allora sia adesso sotto il governo in vigore da noi.