Tacito: Caso e necessità [Es. Stato 2005] (struttura)

Sed mihi

haec ac talia audienti

in incerto iudicium est

fatone res mortalium et necessitate immutabili an forte volvantur.

Quippe sapientissimos veterum

quique sectam eorum aemulantur

diversos reperies,

ac multis insitam opinionem

non initia nostri, non finem, non denique homines dis curae;

ideo creberrime tristia in bonos, laeta apud deteriores esse.

Contra alii

fatum quidem congruere rebus

putant,

sed non e vagis stellis,

verum apud principia et nexus naturalium causarum;

ac tamen electionem vitae nobis relinquunt,

quam ubi elegeris,

certum imminentium ordinem.

Neque mala vel bona

quae vulgus putet:

multos

qui videantur

conflictari adversis

beatos,

at plerosque quamquam magnas per opes miserrimos,

si illi gravem fortunam constanter tolerent,

hi prospera inconsulte utantur.

Ceterum plurimis mortalium non eximitur

quin primo cuiusque ortu ventura destinentur,

sed quaedam

secus quam dicta sint

cadere fallaciis

ignara dicentium:

ita corrumpi fidem artis

cuius clara documenta et antiqua aetas et nostra tulerit.