Cornelio Nepote: La morte di Focione [D] (struttura)

 

Phocion Atheniensis,

accusatus

quod Piraeum Macedonibus prodiderat,

Athenas deductus est,

ut ibi de eo legibus fieret iudicium.

 

Huc ut perventum est,

cum propter aetatem pedibus iam non valeret

vehiculoque portaretur,

magni concursus sunt facti,

cum alii,

reminiscentes veteris famae,

aetatis misererentur,

plurimi vero ira exacuerentur

propter proditionis suspicionem

maximeque quod adversus populi commoda in senectute steterat.

 

Quare

ne perorandi quidem

ei data est facultas

et dicendi causam in iudicio.

 

Inde

capitis damnatus

traditus est undecimviris,

quibus

ad supplicium more Atheniensium publice damnati

tradi solent.

 

Hic cum ad mortem duceretur,

obvius ei fuit Euphiletus,

quo familiariter usus erat.

 

Is cum

lacrimans

dixisset:

«O quam indigna perpeteris, Phocion!»,

huic ille respondit:

«At non inopinata;

hunc enim exitum plerique clari viri habuerunt Athenienses».

 

In hoc tantum fuit odium multitudinis,

ut nemo liber ausus sit

eum sepelire.

 

Itaque a servis sepultus est.