Cicerone: Bisogna sopportare il dolore (struttura)

 

Ut enim fit in proelio,

ut ignavus miles ac timidus,

simul ac viderit hostem,

abiecto scuto

fugiat

quantum possit,

ob eamque causam pereat

non numquam etiam integro corpore,

cum ei,

qui steterit,

nihil tale evenerit,

sic,

qui doloris speciem ferre non possunt,

abiciunt se

atque ita

adflicti

et exanimati

iacent;

 

qui autem restiterunt,

discedunt saepissime superiores.

 

Sunt enim quaedam animi similitudines cum corpore.

 

Ut onera

contentis corporibus

facilius feruntur,

remissis

[nos] opprimunt,

simillime animus intentione sua depellit pressum omnem ponderum,

remissione autem sic urgetur,

ut nequeat

se extollere.

 

Et si verum quaerimus,

in omnibus officiis persequendis

animi est adhibenda contentio;

 

ea est sola officii tamquam custodia.

 

Sed hoc idem in dolore maxume est providendum,

ne quid abiecte,

ne quid timide,

ne quid ignave,

ne quid serviliter muliebriterve faciamus.