Plutarco: Benefici di Eros (struttura)

Διὸ ταῦτα μὲν ἐῶμεν,

μετὰ δὲ τὴν ἰσχὺν τοῦ Ἔρωτος

οὖσαν τοσαύτην

ἤδη τὴν πρὸς ἀνθρώπους εὐμένειαν καὶ χάριν ἐπισκοπῶμεν,

οὐκ εἰ πολλὰ τοῖς ἐρωμένοις ἀγαθὰ περιποιεῖ

(δῆλα γάρ ἐστι ταῦτά γε πᾶσιν),

ἀλλ’εἰ πλείονα καὶ μείζονα τοὺς ἐρῶντας αὐτοὺς ὀνίνησιν·

ἐπεὶ ὁ Εὐριπίδης,

καίπερ ὢν ἐρωτικὸς,

τὸ σμικρότατον ἀπεθαύμασεν

εἰπών·

«Ποιητὴν ἄρα Ἔρως διδάσκει,

κἂν ἄμουσος ᾖ τὸ πρίν».

Συνετόν τε γὰρ ποιεῖ,

κἂν ῥᾴθυμος ᾖ τὸ πρίν·

καὶ ἀνδρεῖον τὸν ἄτολμον,

ᾗ λέλεκται,

ὥσπερ

οἱ τὰ ξύλα πυρακτοῦντες

ἐκ μαλακῶν ἰσχυρὰ ποιοῦσι.

Δωρητικὸς δὲ καὶ ἁπαλὸς καὶ μεγαλόφρων γίνεται πᾶς ἐραστής,

κἂν γλίσχρος ᾖ πρότερον,

τῆς μικρολογίας καὶ φιλαργυρίας διὰ πυρὸς ἀνιεμένης

δίκην σιδήρου·

ὥστε χαίρειν

διδόντας

τοῖς ἐρωμένοις,

ὡς οὐ χαίρουσιν αὐτοὶ

παρ’ἑτέρων λαμβάνοντες.