Demostene: La vita umana (struttura)

Ἅπας ὁ τῶν ἀνθρώπων βίος, ὦ ἄνδρες Ἀθηναῖοι,

κἂν μεγάλην πόλιν οἰκῶσι κἂν μικράν,

φύσει καὶ νόμοις διοικεῖται.

Τούτων δ᾽ἡ μὲν φύσις ἐστὶν ἄτακτον καὶ κατ᾽ἄνδρ᾽ἴδιον

τοῦ ἔχοντος,

οἱ δὲ νόμοι κοινὸν καὶ τεταγμένον καὶ ταὐτὸ πᾶσιν.

Ἡ μὲν οὖν φύσις,

ἂν ᾖ πονηρά,

πολλάκις φαῦλα βούλεται·

διόπερ τοὺς τοιούτους

ἐξαμαρτάνοντας

εὑρήσετε.

Οἱ δὲ νόμοι τὸ δίκαιον καὶ τὸ καλὸν καὶ τὸ συμφέρον βούλονται,

καὶ τοῦτο ζητοῦσιν,

καὶ

ἐπειδὰν εὑρεθῇ,

κοινὸν τοῦτο πρόσταγμ᾽ἀπεδείχθη, πᾶσιν ἴσον καὶ ὅμοιον,

καὶ τοῦτ᾽ἔστι νόμος.

Προσήκει

ᾧ πάντας πείθεσθαι διὰ πολλά,

καὶ μάλισθ᾽ὅτι πᾶς ἐστι νόμος εὕρημα μὲν καὶ δῶρον θεῶν,

δόγμα δ᾽ἀνθρώπων φρονίμων,

ἐπανόρθωμα δὲ τῶν ἑκουσίων καὶ ἀκουσίων ἁμαρτημάτων,

πόλεως δὲ συνθήκη κοινή,

καθ᾽ἣν προσήκει ζῆν

πᾶσι τοῖς ἐν τῇ πόλει.