Cesare: I Druidi godono di vari privilegi (struttura)

Druides consuerunt

a bello abesse

neque tributa una cum reliquis pendunt;

militiae vacationem omniumque rerum habent immunitatem.

Tantis excitati praemiis

et sua sponte multi in disciplinam conveniunt

et a parentibus propinquisque mittuntur.

Magnum ibi numerum versuum ediscere

dicuntur.

Itaque annos nonnulli vicenos in disciplina permanent.

Neque existimant

fas esse

ea litteris mandare,

cum in reliquis fere rebus, publicis privatisque rationibus, Graecis litteris utantur.

Id duabus de causis instituisse

mihi videntur,

quod neque

in vulgum disciplinam efferri

velint

neque

eos,

qui discunt,

litteris confisos

minus memoriae studere:

quod fere plerisque accidit,

ut praesidio litterarum diligentiam

in perdiscendo

ac memoriam remittant.

In primis volunt

hoc persuadere,

non interire animas,

sed ab aliis post mortem transire ad alios,

atque

hoc maxime ad virtutem excitari

putant

metu mortis neglecto.

Multa praeterea

de sideribus atque eorum motu,

de mundi ac terrarum magnitudine,

de rerum natura,

de deorum immortalium vi ac potestate

disputant

et iuventuti tradunt.