Cesare: Il massacro degli abitanti di Avàrico [CP] (struttura)

Hostes

re nova perterriti,

muro turribusque deiecti

in foro ac locis patentioribus cuneatim constiterunt hoc animo

ut

si qua ex parte obviam contra veniretur

acie instructa

depugnarent.

Ubi

neminem in aequum locum sese demittere,

sed toto undique muro circumfundi

viderunt,

veriti

ne omnino spes fugae tolleretur,

abiectis armis

ultimas oppidi partes continenti impetu petiverunt,

parsque ibi,

cum angusto exitu portarum se ipsi premerent,

a militibus,

pars

iam egressa portis

ab equitibus est interfecta;

nec fuit quisquam,

qui praedae studeret.

Sic

et Cenabensi caede et labore operis incitati

non aetate confectis, non mulieribus, non infantibus pepercerunt.

Denique ex omni numero,

qui fuit circiter milium XL,

vix DCCC,

qui

primo clamore audito

se ex oppido eiecerunt,

incolumes ad Vercingetorigem pervenerunt.

Quos ille multa iam nocte silentio ex fuga excepit,

veritus

ne qua in castris ex eorum concursu et misericordia vulgi seditio oreretur,

et

procul in via dispositis familiaribus suis principibusque civitatum

disparandos

deducendosque ad suos

curavit,

quae cuique civitati pars castrorum ab initio obvenerat.