Per comprendere il contesto
Nel 203,
quasi al termine della seconda guerra punica, Massinissa, alleato dei Romani,
sconfigge Siface, alleato di Cartagine. Subito dopo la vittoria Massinissa si
precipita a Cirta, capitale del regno di Siface, per occupare la città e
impadronirsi della reggia, in cui trova la bellissima Sofonisba, moglie del
sovrano sconfitto.
Intranti
vestibulum in ipso limine Sophoniba, uxor Syphacis, filia Hasdrubalis Poeni,
occurrit; et cum in medio agmine armatorum Masinissam insignem cum armis tum
cetero habitu conspexisset, regem esse, id quod erat, rata, genibus advoluta
eius: «Omnia quidem ut posses» inquit «in nobis, di dederunt virtusque et
felicitas tua; sed si captivae apud dominum vitae necisque suae vocem supplicem
mittere licet, si genua, si victricem attingere dexteram, precor quaesoque per
maiestatem regiam, in qua paulo ante nos quoque fuimus, per gentis Numidarum
nomen, quod tibi cum Syphace commune fuit, per huiusce regiae deos, qui te
melioribus ominibus accipiant, quam Syphacem hinc miserunt, hanc veniam
supplici des, ut ipse, quodcumque fert animus, de captiva tua statuas neque me
in cuiusquam Romani superbum et crudele arbitrium venire sinas. Si nihil aliud
quam Syphacis uxor fuissem, tamen Numidae atque in eadem mecum Africa geniti
quam alienigenae et externi fidem experiri mallem; quid Carthaginiensi ab
Romano, quid filiae Hasdrubalis timendum sit, vides. Si nulla re alia potes,
morte me ut vindices ab Romanorum arbitrio, oro obtestorque».
Nessun commento:
Posta un commento