Cornelio Nepote: Tentativo di corruzione da parte di Lisandro (struttura)

Itaque ii (= Lacedaemonii) decemviralem potestatem

ab illo constitutam

sustulerunt.

Quo dolore incensus

iniit consilia

reges Lacedaemoniorum tollere.

Sed sentiebat

se

id sine ope deorum facere

non posse,

quod Lacedaemonii

omnia ad oracula referre

consuerant.

Primum

Delphicum corrumpere

est conatus.

Cum id non potuisset,

Dodonaeum adortus est.

Hinc quoque repulsus

dixit

se vota suscepisse,

quae Iovi Hammoni solveret,

existimans

se Afros facilius corrupturum.

Hac spe cum profectus esset in Africam,

multum eum antistites Iovis fefellerunt.

Nam non solum non potuerunt

corrumpi,

sed etiam legatos Lacedaemonem miserunt,

qui Lysandrum accusarent,

quod

sacerdotes fani corrumpere

conatus esset.

Accusatus hoc crimine

iudicumque absolutus sententiis,

Orchomeniis missus subsidio

occisus est a Thebanis apud Haliartum.