Plutarco: Gloria dopo Salamina (struttura)

Πόλεων μὲν οὖν τὴν Αἰγινητῶν ἀριστεῦσαί

φησιν Ἡρόδοτος,

Θεμιστοκλεῖ δὲ τὸ πρωτεῖον ἀπέδοσαν ἅπαντες

καίπερ ἄκοντες ὑπὸ φθόνου.

Ἐπεὶ γὰρ ἀπὸ τοῦ βωμοῦ τὴν ψῆφον ἔφερον οἱ στρατηγοί

ἀναχωρήσαντες εἰς τὸν Ἰσθμὸν,

πρῶτον μὲν ἕκαστος αὑτὸν ἀπέφαινεν ἀρετῇ,

δεύτερον δὲ μεθ’αὑτὸν Θεμιστοκλέα.

Λακεδαιμόνιοι δ’

εἰς τὴν Σπάρτην αὐτὸν καταγαγόντες,

Εὐριβιάδῃ μὲν ἀνδρείας, ἐκείνῳ δὲ σοφίας ἀριστεῖον ἔδοσαν θαλλοῦ στέφανον,

καὶ τῶν κατὰ τὴν πόλιν ἁρμάτων τὸ πρωτεῦον ἐδωρήσαντο

καὶ τριακοσίους τῶν νέων πομποὺς ἄχρι τῶν ὄρων συνεξέπεμψαν.

Λέγεται δ’

Ὀλυμπίων τῶν ἑξῆς ἀγομένων,

καὶ παρελθόντος εἰς τὸ στάδιον τοῦ Θεμιστοκλέους,

ἀμελήσαντας τῶν ἀγωνιστῶν

τοὺς παρόντας ὅλην τὴν ἡμέραν ἐκεῖνον θεᾶσθαι

καὶ τοῖς ξένοις ἐπιδεικνύειν

ἅμα θαυμάζοντας καὶ κροτοῦντας,

ὥστε καὶ αὐτὸν πρὸς τοὺς φίλους ὁμολογῆσαι

ἡσθέντα

τὸν καρπὸν ἀπέχειν

τῶν ὑπὲρ τῆς Ἑλλάδος αὐτῷ πονηθέντων.