Diogene Laerzio: Talete [M] (struttura)

Ἔνιοι δὲ

καὶ γῆμαι αὐτὸν

καὶ Κύβισθον υἱὸν σχεῖν,

οἱ δὲ

ἄγαμον μεῖναι,

τῆς δὲ ἀδελφῆς τὸν υἱὸν θέσθαι.

Καὶ ἐρωτηθέντα

διὰ τί οὐ τεκνοποιεῖ·

«Διὰ φιλοτεκνίαν»

εἰπεῖν.

Καὶ λέγουσιν

ὅτι

τῆς μητρὸς ἀναγκαζούσης

αὐτὸν γῆμαι·

ἔλεγεν

«Νὴ Δία, οὐδέπω καιρός.»

Εἶτα,

ἐπειδὴ παρήβησεν

ἐγκειμένης,

εἰπεῖν·

«Οὐκέτι καιρός.»

Φησὶ δὲ καὶ Ἱερώνυμος ὁ Ῥόδιος ἐν τῷ δευτέρῳ Τῶν σποράδην ὑπομνημάτων,

ὅτι

βουλόμενος

δεῖξαι

ῥᾴδιον εἶναι

πλουτεῖν,

φορᾶς μελλούσης ἐλαιῶν ἔσεσθαι,

προνοήσας

ἐμισθώσατο τὰ ἐλαιουργεῖα

καὶ πάμπλειστα συνεῖλε χρήματα.

Ἀρχὴν δὲ τῶν πάντων ὕδωρ ὑπεστήσατο,

καὶ τὸν κόσμον ἔμψυχον καὶ δαιμόνων πλήρη·

φασιν

τάς τε ὥρας τοῦ ἐνιαυτοῦ αὐτὸν εὑρεῖν

καὶ εἰς τριακοσίας ἑξήκοντα πέντε ἡμέρας διελεῖν.

Οὐδεὶς δὲ αὐτοῦ καθηγήσατο,

πλὴν ὅτι

εἰς Αἴγυπτον ἐλθὼν

τοῖς ἱερεῦσι συνδιέτριψεν.

Ὁ δὲ Ἱερώνυμος καὶ φησιν

ἐκμετρῆσαί αὐτὸν τὰς πυραμίδας ἐκ τῆς σκιᾶς,

παρατηρήσαντα

ὅτε ἡμῖν ἰσομεγέθης ἐστίν.