Sed
et (Caesar) natura lenissimus
in ulciscendo,
piratas,
a quibus captus est,
cum in dicionem
redegisset,
quoniam ante iuraverat
suffixurum se cruci,
iussit
prius iugulari,
deinde suffigi;
Cornelio
Phagitae,
cuius quondam nocturnas
insidias aeger ac latens,
praemio dato
ne perduceretur ad
Sullam,
vix evaserat,
numquam
nocere sustinuit;
Philemonem
a manu servum,
qui necem suam per
venenum inimicis promiserat,
non
gravius quam simplici morte puniit;
in Publium Clodium,
Pompeiae uxoris suae adulterum atque eadem de causa pollutarum caerimoniarum
reum, testis citatus
negavit
se quicquam comperisse,
quamvis et mater
Aurelia et soror Iulia apud eosdem iudices omnia ex fide rettulissent;
interrogatusque,
cur igitur repudiasset
uxorem:
«Quoniam,»
inquit,
«iudico
oportere
meos tam suspicione
quam crimine carere.»
Nessun commento:
Posta un commento