Lysandrum Lacedaemonium
[…] dicere aiunt solitum Lacedaemonem esse honestissimum domicilium senectutis:
nusquam enim tantum tribuitur aetati, nusquam est senectus honoratior. Quin
etiam memoriae proditum est, cum Athenis ludis quidam in theatrum grandis natu
venisset, magno consessu locum nusquam ei datum a suis civibus; cum autem ad
Lacedaemonios accessisset, qui, legati cum essent, certo in loco consederant,
consurrexisse omnes illi dicuntur et senem sessum recepisse. Quibus cum a
cuncto consessu plausus esset multiplex datus, dixisse ex eis quendam
Athenienses scire quae recta essent, sed facere nolle.
Nessun commento:
Posta un commento