Simonide e l’arte della memoria (Quintiliano) - struttura

Simonides primus dicitur

artem autem memoriae ostendisse.

 

Cuius vulgata fabula est:

 

cum pugili coronato carmen,

quale componi victoribus solet,

mercede pacta

scripsisset,

abnegatam ei pecuniae partem,

quod more poetis frequentissimo degressus in laudes Castoris ac Pollucis exierat.

 

Quapropter iubebatur

partem ab iis petere

quorum facta celebrasset.

 

Et persolverunt,

ut traditum est.

 

Nam cum esset grande convivium in honorem eiusdem victoriae

atque adhibitus ei cenae Simonides,

nuntio est excitus,

quod duo iuvenes

equis advecti

dicebantur

eum desiderare maiorem in modum.

 

Et illos quidem non invenit,

 

tamen exitu comperit

fuisse gratos erga se deos.

 

Nam

vix eo ultra limen egresso,

triclinium illud supra convivas corruit

atque ita confudit

ut non ora modo oppressorum, sed membra etiam omnia propinqui

requirentes ad sepulturam

nulla nota possent discernere.

 

Tum Simonides dicitur memor ordinis,

quo quisque discubuerat,

corpora suis reddidisse.