aiunt
Lysandrum Lacedaemonium […] solitum
dicere
Lacedaemonem esse honestissimum domicilium
senectutis:
nusquam enim tantum
tribuitur aetati,
nusquam est senectus
honoratior.
Quin etiam memoriae
proditum est,
cum Athenis ludis quidam in theatrum grandis
natu venisset,
magno consessu locum nusquam ei datum a suis
civibus;
cum autem ad Lacedaemonios accessisset,
qui,
legati cum essent,
certo in loco consederant,
omnes illi dicuntur
consurrexisse
et senem sessum recepisse.
Quibus cum a cuncto consessu plausus esset
multiplex datus,
dixisse ex eis quendam
Athenienses scire
quae recta essent,
sed facere nolle.
Nessun commento:
Posta un commento