Hasdrubal Gisgonis
filius longe primus civitatis erat
genere,
fama, divitiis, regia tum etiam adfinitate
sed meminerant
eum
ab ipso illo Scipione aliquot proeliis fusum pulsumque in Hispania
nec
magis ducem duci parem esse
quam
tumultuarium exercitum suum Romano exercitui.
Itaque
velut
si urbem extemplo adgressurus Scipio foret,
ita conclamatum ad arma est
portaeque raptim clausae
et armati in muris vigiliaeque et
stationes dispositae
ac nocte insequenti vigilatum est.
Postero die quingenti equites,
missi
speculatum
ad mare
turbandosque
egredientes ex navibus
in stationes Romanorum inciderunt.
Iam enim Scipio
classe
Uticam missa
ipse haud ita multum progressus a mari
tumulos proximos
ceperat;
equites et in
stationibus locis idoneis posuerat
et per agros miserat
praedatum.
Nessun commento:
Posta un commento