Efficax et illa
quietis imago,
quae
Croesi regis animum maximo prius metu, deinde etiam dolore confecit:
nam existimavit
Atym
ferro sibi ereptum
e
duobus filiis
et
ingeni agilitate et corporis dotibus praestantiorem
imperiique
successioni destinatum
Itaque
quidquid pertinebat
ad
evitandam denuntiatae cladis acerbitatem
nulla ex parte patria cura cessavit advertere.
Solitus erat iuvenis
mitti
ad
bella gerenda
domi retentus est:
habebat armamentarium
omnis
generis telorum copia refertum,
id quoque iussum
amoveri
comitibus utebatur
gladio cinctis
vetiti sunt
propius
accedere.
Necessitas tamen aditum luctui dedit:
cum
enim ingentis magnitudinis aper Olympi montis culta crebra cum agrestium strage
vastaret
inusitatoque
malo regium inploratum esset auxilium,
filius a patre extorsit
ut
ad eum opprimendum mitteretur,
eo quidem facilius,
quod
non dentis sed ferri saevitia in metu reponebatur.
Verum
dum acri studio omnes sunt intenti
interficiendi
suem
pertinax casus inminentis violentia
lanceam in eum detorsit
missam
petendae
ferae gratia
et quidem voluit
eam
potissimum dextram nefariae caedis crimine aspergi
cui
tutela filii a patre mandata erat.
Nessun commento:
Posta un commento