Sublatis itaque rebus
amigrant
Romam.
Ad
Ianiculum forte ventum erat.
Ibi
ei
carpento sedenti cum
uxore
aquila
demissa leniter
suspensis alis
pilleum
aufert
superque carpentum cum
magno clangore volitans
rursus
velut ministerio
divinitus missa
capiti
apte reponit;
inde
sublimis abit.
Dicitur
accepisse id augurium
laeta
Tanaquil,
perita, ut vulgo
Etrusci, caelestium prodigiorum mulier.
Excelsa et alta sperare
complexa virum
iubet:
eam alitem, ea regione
caeli et eius dei nuntiam venisse,
circa summum culmen
hominis auspicium fecisse,
levasse humano
superpositum capiti decus,
ut divinitus eidem
redderet.
Has spes cogitationesque
secum portantes
urbem
ingressi sunt
domicilioque ibi
conparato
L.
Tarquinium Priscum edidere nomen.
Nessun commento:
Posta un commento