Seneca: Come onorare gli dèi (struttura)

Quomodo sint di colendi,

solet praecipi.

Accendere aliquem lucernas sabbatis

prohibeamus,

quoniam nec lumine di egent

et ne homines quidem delectantur fuligine,

vetemus

salutationibus matutinis fungi

et foribus adsidere templorum;

humana ambitio istis officiis capitur,

deum colit

qui novit,

vetemus

lintea et strigiles Iovi ferre

et speculum tenere Iunoni;

non quaerit ministros deus.

Quidni?

Ipse humano generi ministrat,

ubique et omnibus praesto est.

Audiat licet,

quem modum servare in sacrificiis debeat,

quam procul resilire a molestis superstitionibus,

numquam satis profectum erit,

nisi deum mente conceperit

qualem debet,

omnia habentem,

omnia tribuentem,

beneficum gratis.

Quae causa

bene faciendi

est dis?

Natura.

Errat,

si quis putat

illos nolle

nocere;

non possunt.

queunt

nec accipere iniuriam

nec facere;

laedere etenim laedique coniunctum est.

Summa illa ac pulcherrima omnium natura

quos periculo exemit,

ne periculosos quidem fecit.