Oratores
vero vel praecipue possint
Latinam eloquentiam
parem facere Graecae.
Nam
Ciceronem cuicumque eorum fortiter opposuerim.
Nec
ignoro
quantam mihi concitem
pugnam,
cum praesertim non sit
id propositi,
ut eum Demostheni
comparem hoc tempore;
neque enim attinet,
cum putem potius
Demosthenem in primis legendum
vel ediscendum.
ego
arbitror
quorum virtutes
plerasque similes,
consilium,
ordinem,
dividendi, praeparandi,
probandi rationem,
omnia denique
quae sunt inventionis.
In eloquendo
est
aliqua diversitas;
densior ille hic
copiosior,
ille concludit
adstrictius hic latius,
pugnat ille acumine semper
hic frequenter et pondere,
illi nihil detrahi
potest huic nihil adiici,
curae plus in illo in
hoc naturae.
Salibus
certe et commiseratione,
qui duo plurimum in
adfectibus valent,
vincimus.
Nessun commento:
Posta un commento