Quaeri
solet
an,
etiamsi discenda sint
haec,
omnia possint
eodem tempore tamen tradi
et percipi.
Negant
enim quidam,
quia confundatur animus
ac fatigetur tot
disciplinis
in diversum
tendentibus,
ad quas nec mens nec corpus
nec dies ipse sufficiat,
et,
si maxime patiatur hoc aetas robustior,
non oporteat
pueriles annos onerari.
Sed
non satis perspiciunt
quantum natura humani
ingenii valeat,
quae ita est agilis ac
velox,
sic in omnem partem,
ut ita dixerim,
spectat,
ut ne possit quidem
aliquid agere tantum
unum,
in plura vero non eodem
die modo, sed eodem temporis momento vim suam intendat.
An
vero citharoedi non simul et memoriae et sono vocis et plurimis flexibus
serviunt,
cum interim alios
nervos dextra percurrunt,
alios laeva trahunt,
continent,
praebent,
ne pes quidem otiosus certam legem temporum servat,
et haec pariter omnia?
Nessun commento:
Posta un commento